ជួយកូនរបស់លោកអ្នកឱ្យក្លាយជាអ្នកដឹកនាំវ័យក្មេងដ៏អស្ចារ្យក្នុងសម័យ DIGITAL & AI

ជួយកូនរបស់លោកអ្នកឱ្យក្លាយជាអ្នកដឹកនាំវ័យក្មេងដ៏អស្ចារ្យក្នុងសម័យ DIGITAL & AI ជាប្រធានបទដែលបានលើកយកមកចែករំលែក ដល់សមាជិកសមាគមសហគ្រិនស្ត្រីកម្ពុជា កាលពីព្រឹកថ្ងៃទី២៤ ខែកក្កដា ឆ្នាំ២០២៤ នៅមជ្ឈមណ្ឌលសហប្រតិបត្តិការកម្ពុជា-ជប៉ុន(CJCC)។

លោកបណ្ឌិត អោម សេងបូរ៉ា ស្ថាបនិក CEO MASTER CLUB បានអញ្ជើញជាវាគ្មិននៅក្នុងកម្មវិធីអប់រំលើប្រធានបទខាងលើនេះ។

គោលបំណងនៃការបង្កើតនូវវគ្គនេះគឺដើម្បីចូលរួមចំណែកក្នុងការចែករំលែកចំណេះដឹងដល់មាតាបិតាអាណាព្យាបាលគ្រប់រូបឱ្យអាចស្វែងយល់ពីការវិវឌ្ឍបម្រែបម្រួលរបស់កូនៗ និងផ្តល់ឱ្យកូនៗផ្ទាល់អាចមានឱកាសបង្កើតមិត្តភក្ត័ថ្មីៗ មានអត្តចរឹតល្អ មានភាពកត្តញូចំពោះមាតាបិតា ជាពិសេសការគ្រប់គ្រងអារម្មណ៍ខ្លួនឯង និងការរៀបចំគោលដៅជីវិត។

សូមបញ្ជាក់ថាកម្មវិធីនេះរៀបចំដោយសមាគមសហគ្រិនស្ត្រីកម្ពុជាដឹកនាំដោយអ្នកស្រី ទី ប៊ុន ប្រធានគណៈកម្មការសមាជិកភាព រួមជាមួយប្រធានសមាជិកក្រុមតូចទី២ ទី៤ និងទី៧ ដោយមានការថ្លែងចំណាប់អារម្មណ៍បើកដោយ កញ្ញា ស៊ុន ស៊ីហនិតនោវី អនុប្រធានសមាគមសហគ្រិនស្រីកម្ពុជា ទទួលបន្ទុកកិច្ចការខាងក្រៅ និងការថ្លែងសន្ទរកថាបិទដោយលោកស្រី ឌុច លីនដា អគ្គលេខាធិការសមាគមសហគ្រិនស្រ្តីកម្ពុជាដែលមានអ្នកចូលរួមប្រមាណជា១០០នាក់។