សមាគមសហគ្រិនស្រ្ដីកម្ពុជា បានរៀបចំទិវាសហគ្រិនស្រ្ដីកម្ពុជាប្រចាំឆ្នាំ២០២៤ និងប្រគល់ពានរង្វាន់ “សហគ្រិនស្ត្រីឆ្នើមក្នុងសេដ្ឋកិច្ចបៃតង”
រាជធានីភ្នំពេញ ៖ មន្ត្រីជាន់ខ្ពស់ក្រសួងកិច្ចការនារី បានចាត់ទុកទិវាសហគ្រិនស្ត្រីកម្ពុជា ជាព្រឹត្តិការណ៍សំខាន់ និងអស្ចារ្យ ក្នុងការផ្តល់ឱកាសដល់ស្ត្រី ដើម្បីបង្ហាញពីស្នាដៃរបស់ខ្លួន ក្នុងការដឹកនាំធ្វើអាជីវកម្ម ។
ការបញ្ជាក់របស់មន្ត្រីជាន់ខ្ពស់ ក្រសួងកិច្ចការនារនេះ ខណៈសហគ្រាសធនតូច និងមធ្យមបានផ្តល់ការងារជាច្រើន ដល់ប្រជាពលរដ្ឋនៅទូទាំងប្រទេស រហូតដល់ជាង ៧៨ភាគរយក្នុង នោះភាគច្រើន ជាស្ត្រីផដែរ ។
លោកជំទាវ សុខ ច័ន្ទឆវី រដ្ឋលេខាធិការក្រសួងកិច្ចកានារី បានឲ្យដឹងនៅក្នុងទិវាសហគ្រិនស្ត្រីកម្ពុជា ក្រោមប្រធានបទ«ការពង្រឹងភាពអង់អាចរបស់ស្ត្រីក្នុងសេដ្ឋកិច្ចបៃតង» ឆ្នាំ២០២៤ នាព្រឹកថ្ងៃទី១១ ខែវិច្ឆិកា ឆ្នាំ២០២៤ នៅសណ្ឋាគារសុខា ថានេះជាព្រឹត្តិការណ៍ប្រវត្តិសាស្ត្រមួយ និងមានសារៈសំខាន់ នៅក្នុងប្រទេសកម្ពុជា។ លោកជំទាវបានឲ្យដឹងថា នៅក្នុងសហគ្រាសធុនតូច និងមធ្យម បានផ្តល់ការងារជាច្រើនដល់ប្រជាជនកម្ពុជា ដែលក្នុងនោះមានស្ត្រីភាគច្រើន បានទទួលការងារធ្វើ។ នៅកម្ពុជាត្រូវ បានទទួលចំណាត់ការថ្នាក់ខ្ពស់ ក្នុងចំណោមប្រទេសនានា គឺសេរីភាពសម្រាប់ស្ត្រី ក្នុងការចាប់ផ្តើមធ្វើអាជីវកម្ម ដោយគ្មានការរារាំងទាំងកម្រិតនយោបាយ និងកម្រិតផ្សេងៗទៀត។ លោកជំទាវ ក៏បានអះអាងថា ទោះបីមានស្ត្រី បានចូលរួម និងទទួលបានការងារធ្វើពីសហគ្រិនស្ត្រី យ៉ាងណាក្តី ក៏ស្ត្រីនៅមានបញ្ហាប្រឈមមួយចំនួនផងដែរ។ ពោលគឺ ស្ត្រីបានប្រឈមបញ្ហាច្រើនជាងបុរស។ បញ្ហាប្រឈមមានដូចជាការទទួលបានឱកាស ការគ្រប់គ្រង ការផលិត ការទទួលបានឱកាសសម្រាប់ការអភិវឌ្ឍអាជីវកម្មរបស់ខ្លួន និងបដិវត្តន៍កម្មឌីជីថល ជាពិសេសនោះស្ត្រីរស់នៅតាមតំបន់ជនបទ ។
នៅក្នុងទិវានេះក៏បានរៀបចំប្របាច់បញ្ចូលគ្នាជាច្រើនសកម្មភាព រួមមានទាំងការដាក់តាំងបង្ហាញផលិតផល និងសេវាកម្មរបស់សហគ្រិនស្ត្រី ជាពិសេសគឺមានកិច្ចពិភាក្សាក្រោម ប្រធានបទ “សហគ្រិនស្ត្រីក្នុងសេដ្ឋកិច្ចបៃតង” ដែលមានវាគ្មិនជំនាញ និងបទពិសោធន៍។ ក្នុងគោលបំណង ដើម្បីផ្សព្វផ្សាយសមភាពយេនឌ័រ និងលើកកម្ពស់សេដ្ឋកិច្ចសហគ្រិនស្ត្រី ពង្រឹងភាពអង់អាចក្លាហាន និងការធ្វើអាជីវកម្មរបស់ស្ត្រី ដោយផ្តោតលើសេដ្ឋកិច្ចបៃតង (ធុរកិច្ច បៃតង) ក្នុងនេះការអភិវឌ្ឍសេដ្ឋកិច្ច បរិស្ថាន សង្គម និងវប្បធម៌ តាមរយៈការធ្វើធុរកិច្ច ដែលមានការយកចិត្តទុកដាក់ពីផលប៉ះពាល់បរិស្ថានការលើកកម្ពស់សុខុមាលភាព សង្គម ការថែរក្សា និងលើកស្ទួយសេដ្ឋកិច្ចបរិស្ថាន)។ ទន្ទឹមនឹងនោះគឺជាកម្មវិធីនេះ ដើម្បីភ្ជាប់បណ្តាញទំនាក់ទំនងសហគ្រិនដ៏ធំក្នុងប្រទេសកម្ពុជា និងភ្ជាប់ដៃគូរ និងគូផ្គងអាជីវកម្ម ថែមទាំងមានទំនាក់ទំនងជិតស្និទ្ធរវាងវិស័យឯកជនជាមួយស្ថាបណ្ណ័រដ្ឋ ក្នុងប្រទេសផងដែរ ។
ឯកឧត្តមហែម វណ្ណឌី រដ្ឋមន្រ្ដីក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍ បានមានប្រសាសន៍ថាទិវាសហគ្រិនស្រ្ដីកម្ពុជា ឆ្នាំ២០២៤ ក្រោមប្រធានបទ«ការពង្រឹងភាពអង់អាចស្រ្ដីក្នុងសេដ្ឋកិច្ចបៃតង» ផ្ដោតសំខាន់លើការលើកម្ពស់សុខាមាលភាពមនុស្ស ក៍សាងសមភាពយេនឌ័រ និងសមធ័មសង្គម ក្នុងវិស័យឧស្សា ហកម្ម ទន្ទឹមគ្នានិងការកាត់បន្ថយហានិភ័យ និងផលប៉ះពាល់ដល់បរិស្ថាន ដែលជាទស្សនាទាន និងសកម្មភាពយុទ្ធសាស្រ្ដទិវារបស់រដ្ឋាភិបាលជាច្រើនលើសាកលលោក។ទិវាសហគ្រិនស្រ្ដីកម្ពុជា ឆ្នាំ២០២៤ ពិតជាបានឆ្លុះ បញ្ចាំងពីសមត្ថភាពរបស់ស្រ្តីក្នុងការចូលរួមក្នុងវិស័យសេដ្ឋកិច្ច សង្គមកិច្ច កិច្ចការពារបរិស្ថាន និងកិច្ចខិតខំប្រឹងប្រែងរបស់អន្តរក្រសួង-ស្ថាប័នពាក់ព័ន្ធ ដៃគូអភិវឌ្ឍន៍ សមាគម និងវិស័យឯកជន សំដៅធានាបានការអភិវឌ្ឍអាជីវកម្មប្រកបដោយស្ថេរភាព និរន្តរភាព និងបរិយាបន្ន។ ការលើកកម្ពស់សហគ្រិនភាពស្រី្ត តម្រូវឱ្យមានការប្រឹងប្រែងរួមគ្នារបស់ក្រសួង-ស្ថាប័នរបស់រាជរដ្ឋាភិបាល ដៃគូអភិវឌ្ឍន៍ វិស័យឯកជន សង្គមស៊ីវិល និងគ្រប់ភាគីពាក់ព័ន្ធទាំងអស់ តាមរយៈសមាហរណកម្មទៅនឹងខ្សែច្រវ៉ាក់តម្លៃក្នុងតំបន់ និងសកលលោក ដោយប្រើប្រាស់ឱ្យអស់លទ្ធភាពនូវសក្តានុពលធនធានក្នុងស្រុក និងការទទួលយកការផ្ទេរបច្ចេកវិទ្យាថ្មីៗ។ ប៉ុន្តែ ក្នុងអន្តរកាលដែលកម្ពុជាកំពុងត្រៀមខ្លួនចាកចេញពីស្ថានភាពជាប្រទេសអភិវឌ្ឍន៍តិចតួច និងការប្រើប្រាស់បច្ចេកវិទ្យានៃបដិវត្តន៍ឧស្សាហកម្ម ៤.០, សហគ្រាសធុនមីក្រូ តូច និងមធ្យមក៏នឹងជួបប្រទះបញ្ហាប្រឈមជាបន្តបន្ទាប់ ដូចជា ការកសាងសមត្ថភាពទាំងផ្នែកបច្ចេកទេស និងបច្ចេកវិទ្យា, ការពង្រឹងភាពអនុ លោម និងស្តង់ដារផលិតផល/សេវារបស់ខ្លួន, ការពង្រីកមាត្រដ្ឋាន និងការពង្រឹងប្រសិទ្ធភាព រួមទាំងលទ្ធភាពប្រកួតប្រជែងអាជីវកម្ម ផលិតកម្ម និងផលិតផល, ការប្រកួតប្រជែងទីផ្សារជាតិ និងអន្តរជាតិ។ល។
